ಕೊನೆಯ ಪ್ರವಾದಿ - 2.ಸಂಕ್ಷಿಪ್ತ ಇತಿಹಾಸ

ಇಂದಿನ ಸೌದಿ ಅರೇಬಿಯಾದಲ್ಲಿರುವ ಮಕ್ಕಾ ಎನ್ನುವ ನಗರದಲ್ಲಿ ಕ್ರಿ.ಶ 571 ನೆಯ ವರ್ಷ ಪ್ರವಾದಿ ಮೊಹಮ್ಮದ್ (ಸಲ್) ರವರು ಜನಿಸಿದರು.

ಕುಲ ಮಹಿಮೆಯನ್ನು, ಜಾತಿ ಬೇಧವನ್ನು ಬೇರಿನ ಸಮೇತ ಕಿತ್ತೆಸೆದ ಪ್ರವಾದಿ ಮೊಹಮ್ಮದ್ (ಸಲ್) ರವರು ಅಂದು ಅರಬ್ ಭೂಮಿಯ ಶ್ರೇಷ್ಠ ಕುಲವೆಂದು ಪರಿಗಣಿಸಲ್ಪಟ್ಟಿದ್ದ "ಖುರೈಶ್" ಎನ್ನುವ ಕುಲದಲ್ಲಿ ಜನಿಸಿದ್ದರು.

ತಾಯಿಯ ಗರ್ಭದಲ್ಲಿರುವಾಗಲೇ ತಂದೆ ಅಬ್ದುಲ್ಲಾಹ್ ರನ್ನು ತಮ್ಮ ಆರನೆಯ ವಯಸ್ಸಿನಲ್ಲಿ ತಾಯಿ ಆಮಿನಾರನ್ನು ಕಳೆದು ಕೊಂದು ಅನಾಥರಾಗಿದ್ದರು.

ನಂತರ ಹಿರಿ ತಾತ ಅಬ್ದುಲ್ ಮುತ್ತಲಿಬರ ಆಶ್ರಯದಲ್ಲೂ ಅವರ ಮರಣಾ ನಂತರ ಹಿರಿಯ ತಂದೆ ಅಬೂತಾಲಿಬರ ಆಶ್ರಯದಲ್ಲೂ ಬೆಳೆದರು.

ಚಿಕ್ಕ ವಯಸ್ಸಿನಲ್ಲಿ ಯಾರಿಗೂ ಭಾರವಾಗಿರ ಬಾರದು ಎಂಬುದರಿಂದ ಅತಿಕಡಿಮೆ ಕೂಲಿಗಾಗಿ ಕುರಿ ಮೇಯಿಸಿದರು. ಒಂದಷ್ಟು ವಿವರ ತಿಳಿದ ನಂತರ ತಮ್ಮ ಹಿರಿಯ ತಂದೆಯೊಂದಿಗೆ ಸೇರಿ ಸಿರಿಯಾ ದೇಶಕ್ಕೆ ಹೋಗಿ ವ್ಯಾಪಾರ ಮಾಡಿದರು. ಇದರಿಂದ ಬಾಲ್ಯದಲ್ಲಿ ಶಿಕ್ಷಣ ಕಲಿಯುವ ಅವಕಾಶ ಅವರಿಗೆ ದೊರಕಲಿಲ್ಲ. ಬರೆಯಲೋ ಓದಲೋ ಅವರಿಗೆ ಬರುವುದಿಲ್ಲ.

ತಮ್ಮ 25 ನೆಯ ವಯಸ್ಸಿನಲ್ಲಿ ವ್ಯಾಪಾರವನ್ನು ಕಲಿತು ಕರಗತ ಮಾಡಿಕೊಂಡರು. ಮಕ್ಕಾದಲ್ಲಿ ಬಹು ದೊಡ್ಡ ಶ್ರೀಮಂತೆಯಾಗಿಯೂ, ದೊಡ್ಡ ವಾಣಿಜ್ಯ ಮಾಡುವವರಾಗಿಯೂ ಇದ್ದ ಖತೀಜಾ ಅಮ್ಮಾವರು ಪ್ರವಾದಿ ವರ್ಯರ ನೈತಿಕತೆ, ಸಂಸ್ಕೃತಿ, ಸಮಗ್ರತೆ ಮತ್ತು ವ್ಯಾಪಾರ ಪ್ರತಿಭೆ ಮುಂತಾದವನ್ನು ಕೇಳಿ ತಿಳಿದು ಪ್ರವಾದಿ ವರ್ಯರನ್ನು ಮದುವೆಯಾಗಲು ಬಯಸಿದರು. ಪ್ರವಾದಿ ವರ್ಯರಿಗಿಂತ ಹೆಚ್ಚು ವಯಸ್ಸಿನವರಾಗಿಯೂ ವಿಧವೆಯಾಗಿಯೂ ಇದ್ದ ಖತೀಜಾ ಅಮ್ಮವರನ್ನು ಪ್ರವಾದಿ ಮೊಹಮ್ಮದ್ (ಸಲ್) ರವರು ಮದುವೆ ಮಾಡಿ ಕೊಂಡರು.

ಇದರ ಮೂಲಕ ಮಕ್ಕಾದಲ್ಲಿ ಬಹು ದೊಡ್ಡ ಶ್ರೀಮಂತ ಎಂಬ ಸ್ಥಾನಕ್ಕೇರಿದರು.

ತಮ್ಮ ನಲವತ್ತು ವರ್ಷ ವಯಸ್ಸಿನ ವರೆಗೆ ಅವರು ಸಾಧಾರಣ ಮನುಷ್ಯರಾಗಿಯೂ, ಒಂದು ವ್ಯಾಪಾರಿಯಾಗಿಯಷ್ಟೇ ಇದ್ದರು. ನಲವತ್ತು ವಯಸ್ಸಿನ ವರೆಗೂ ಯಾವ ಒಂದು ಚಳುವಳಿಯನ್ನು ಅವರು ರೂಪಿಸಿರಲಿಲ್ಲ. ಯಾವ ಒಂದು ತತ್ವ ಸಿಧ್ಧಾಂತದ ಪ್ರಚಾರವನ್ನು ಮಾಡಿರಲಿಲ್ಲ.

ನಲವತ್ತು ವಯಸ್ಸು ವರೆಗಾದ ಪ್ರವಾದಿ ವರ್ಯರ ಸಂಕ್ಷಿಪ್ತ ಇತಿಹಾಸ ಇದುವೇ.

ನಲವತ್ತು ವಯಸ್ಸಿನ ನಂತರದ ಪ್ರವಾದಿ ವರ್ಯರ ಜೀವನ ಎರಡು ದೊಡ್ಡ ಅಧ್ಯಾಯಗಳಾಗಿ ವಿಂಗಡಿಸಲ್ಪಟ್ಟಿದೆ. ಒಂದು ಮಕ್ಕಾದ ಜೀವನ, ಮತ್ತೊಂದು ಮದೀನಾದ ಜೀವನ. ಇದರ ಕುರಿತು ಒಂದಷ್ಟು ತಿಳಿದು ಕೊಳ್ಳೋಣ.